సుందరకాండ 8


    • స తస్య మధ్యే భవనస్య సంస్థితమ్ |
      మహద్విమానం మణివజ్రచిత్రితమ్ |
      ప్రతప్తజాంబూనదజాలకృత్రిమమ్ |
      దదర్శ వీరః పవనాత్మజః కపిః || 1


    • తదప్రమేయాప్రతికారకృత్రిమమ్ |
      కృతం స్వయం సాధ్వితి విశ్వకర్మణాః |
      దివం గతం వాయుపథప్రతిష్ఠితమ్ |
      వ్యరాజతాదిత్యపథస్య లక్ష్మివత్ || 2


    • న తత్ర కించిన్న కృతం ప్రయత్నతొ |
      న తత్ర కించిన్న మహర్హరత్నవత్ |
      న తే విశేషా నియతాః సురేష్వపి |
      న తత్ర కించిన్న మహావిశేషవత్ || 3


    • తపహ్సమాధానపరాక్రమార్జితమ్ |
      మనఃసమాధానవిచారచారిణమ్ |
      అనేకసంస్థానవిషేషనిర్మితమ్ |
      తతస్తతస్తుల్యవిశేషదర్శనమ్ || 4


    • విశేషమాలంబ్య విశేషసంస్థితమ్ |
      విచిత్రకూటం బహుకూటమణ్డితమ్ |
      మనొ౽భిరామం శరద్ందునిర్మలమ్ |
      విచిత్రకూటం శిఖరం గిరేర్యథా || 5


    • వహంతి యం కుణ్డశొభితాననా |
      మహాశనా వ్యొమచరా నిశాచరాః |
      వివృత్తవిధ్వస్తవిశాలలొచనా |
      మహాజవా భూతగణాః సహస్రశః || 6


    • వసంతపుష్పొత్కరచారుదర్శనమ్ |
      వసంతమాసదపి కాంతదర్శనమ్ |
      స పుష్పకం తత్ర విమానముత్తమమ్ |
      దదర్శ తద్వానరవీరసత్తమః || 7


    • ఇతి వాల్మీకి రామాయణే ఆది కావ్యే సుందర కాణ్డే అష్టమః సర్గః