సుందరకాండ 44


    • సందిష్టొ రాక్షస ఇంద్రేణ ప్రహస్తస్య సుతొ బలీ |
      జంబు మాలీ మహాదంష్ట్రొ నిర్జగామ ధనుః ధరః || 1
      రక్త మాల్య అంబర ధరః స్రగ్వీ రుచిర కుణ్డలః |
      మహాన్ వివృత్త నయనః చణ్డః సమర దుర్జయః || 2
      ధనుః శక్ర ధనుః ప్రఖ్యం మహత్ రుచిర సాయకమ్ |
      విస్ఫారయాణొ వేగేన వజ్ర అశని సమ స్వనమ్ || 3


    • తస్య విస్ఫార ఘొషేణ ధనుషొ మహతా దిశః |
      ప్రదిశః చ నభః చైవ సహసా సమపూర్యత || 4


    • రథేన ఖర యుక్తేన తం ఆగతం ఉదీక్ష్య సః |
      హనూమాన్ వేగ సంపన్నొ జహర్ష చ ననాద చ || 5


    • తం తొరణ విటంకస్థం హనూమంతం మహాకపిమ్ |
      జంబు మాలీ మహాబాహుః వివ్యాధ నిశితైః శరైః || 6


    • అర్ధ చంద్రేణ వదనే శిరసి ఎకేన కర్ణినా |
      బాహ్వొః వివ్యాధ నారాచైః దశభిః తం కపి ఈశ్వరమ్ || 7


    • తస్య తత్ శుశుభే తామ్రం శరేణ అభిహతం ముఖమ్ |
      శరది ఇవ అంబుజం ఫుల్లం విద్ధం భాస్కర రశ్మినా || 8


    • తత్తస్య రక్తం రక్తేన రంజితం శుశుభే ముఖమ్ |
      యథాకాశే మహాపద్మం సిక్తం చందనబిందుభిః || 9


    • చుకొప బాణ అభిహతొ రాక్షసస్య మహాకపిః |
      తతః పార్శ్వే అతివిపులాం దదర్శ మహతీం శిలామ్ || 10


    • తరసా తాం సముత్పాట్య చిక్షేప బలవత్ బలీ |
      తాం శరైః దశభిః క్రుద్ధః తాడయామాస రాక్షసః || 11


    • విపన్నం కర్మ తత్ దృష్ట్వా హనూమాన్ చణ్డ విక్రమః |
      సాలం విపులం ఉత్పాట్య భ్రామయామాస వీర్యవాన్ || 12


    • భ్రామయంతం కపిం దృష్ట్వా సాల వృక్షం మహాబలమ్ |
      చిక్షేప సుబహూన్ బాణాన్ జంబు మాలీ మహాబలః || 13


    • సాలం చతుర్భిః చిచ్ఛేద వానరం పంచభిః భుజే |
      ఉరసి ఎకేన బాణేన దశభిః తు స్తన అంతరే || 14


    • స శరైః పూరిత తనుః క్రొధేన మహతా వృతః |
      తం ఎవ పరిఘం గృహ్య భ్రామయామాస వేగితః || 15


    • అతివేగొ అతివేగేన భ్రామయిత్వా బల ఉత్కటః |
      పరిఘం పాతయామాస జంబు మాలేః మహా**ురసి || 16


    • తస్య చైవ శిరొ న అస్తి న బాహూ న చ జానునీ |
      న ధనుః న రథొ న అశ్వాః తత్ర అదృశ్యంత న ఇషవః || 17


    • స హతః తరసా తేన జంబు మాలీ మహారథః |
      పపాత నిహతొ భూమౌ చూర్ణిత అంగ విభూషణః || 18


    • జంబు మాలిం చ నిహతం కింకరాన్ చ మహాబలాన్ |
      చుక్రొధ రావణః శ్రుత్వా కొప సమ్రక్త లొచనః || 19


    • స రొష సంవర్తిత తామ్ర లొచనః |
      ప్రహస్త పుత్రే నిహతే మహాబలే |
      అమాత్య పుత్రాన్ అతివీర్య విక్రమాన్ |
      సమాదిదేశ ఆశు నిశా చర ఈశ్వరః || 20


    • ఇత్యార్షే శ్రీమద్రామాయణే ఆదికావ్యే సుందరకాణ్డే చతుశ్చత్వారింశః సర్గః