సుందరకాండ 7


    • స వేశ్మ జాలం బలవాన్ దదర్శ |
      వ్యాసక్త వైదూర్య సువర్ణ జాలమ్ |
      యథా మహత్ ప్రావృషి మేఘ జాలమ్ |
      విద్యుత్ పినద్ధం సవిహంగ జాలమ్ || 1


    • నివేశనానాం వివిధాః చ శాలాః |
      ప్రధాన శంఖ ఆయుధ చాప శాలాః |
      మనొ హరాః చ అపి పునర్ విశాలా |
      దదర్శ వేశ్మ అద్రిషు చంద్ర శాలాః || 2


    • గృహాణి నానా వసు రాజితాని |
      దేవ అసురైః చ అపి సుపూజితాని |
      సర్వైః చ దొషైః పరివర్జితాని |
      కపిర్ దదర్శ స్వ బల అర్జితాని || 3


    • తాని ప్రయత్న అభిసమాహితాని |
      మయేన సాక్షాద్ ఇవ నిర్మితాని |
      మహీ తలే సర్వ గుణ ఉత్తరాణి |
      దదర్శ లంకా అధిపతేర్ గృహాణి || 4


    • తతొ దదర్శ ఉచ్చ్రిత మేఘ రూపమ్ |
      మనొ హరం కాంచన చారు రూపమ్ |
      రక్షొ అధిపస్య ఆత్మ బల అనురూపమ్ |
      గృహ ఉత్తమం హి అప్రతిరూప రూపమ్ || 5


    • మహీ తలే స్వర్గం ఇవ ప్రకీర్ణమ్ |
      శ్రియా జ్వలంతం బహు రత్న కీర్ణమ్ |
      నానా తరూణాం కుసుమ అవకీర్ణమ్ |
      గిరేర్ ఇవ అగ్రం రజసా అవకీర్ణమ్ || 6


    • నారీ ప్రవేకైర్ ఇవ దీప్యమానమ్ |
      తడిద్భిర్ అంభొదవద్ అర్చ్యమానమ్ |
      హంస ప్రవేకైర్ ఇవ వాహ్యమానమ్ |
      శ్రియా యుతం ఖే సుకృతాం విమానమ్ || 7


    • యథా నగ అగ్రం బహు ధాతు చిత్రమ్ |
      యథా నభః చ గ్రహ చంద్ర చిత్రమ్ |
      దదర్శ యుక్తీ కృత మేఘ చిత్రమ్ |
      విమాన రత్నం బహు రత్న చిత్రమ్ || 8


    • మహీ కృతా పర్వత రాజి పూర్ణా |
      శైలాః కృతా వృక్ష వితాన పూర్ణాః |
      వృక్షాః కృతాః పుష్ప వితాన పూర్ణాః |
      పుష్పం కృతం కేసర పత్ర పూర్ణమ్ || 9


    • కృతాని వేశ్మాని చ పాణ్డురాణి |
      తథా సుపుష్పా అపి పుష్కరిణ్యః |
      పునః చ పద్మాని సకేసరాణి |
      ధన్యాని చిత్రాణి తథా వనాని || 10


    • పుష్ప ఆహ్వయం నామ విరాజమానమ్ |
      రత్న ప్రభాభిః చ వివర్ధమానమ్ |
      వేశ్మ ఉత్తమానాం అపి చ ఉచ్చ మానమ్ |
      మహా కపిః తత్ర మహా విమానమ్ || 11


    • కృతాః చ వైదూర్యమయా విహంగా |
      రూప్య ప్రవాలైః చ తథా విహంగాః |
      చిత్రాః చ నానా వసుభిర్ భుజంగా |
      జాత్యా అనురూపాః తురగాః శుభ అంగాః || 12


    • ప్రవాల జాంబూనద పుష్ప పక్షాః |
      సలీలం ఆవర్జిత జిహ్మ పక్షాః |
      కామస్య సాక్షాద్ ఇవ భాంతి పక్షాః |
      కృతా విహంగాః సుముఖాః సుపక్షాః || 13


    • నియుజ్యమానాః చ గజాః సుహస్తాః |
      సకేసరాః చ ఉత్పల పత్ర హస్తాః |
      బభూవ దేవీ చ కృతా సుహస్తా |
      లక్ష్మీః తథా పద్మిని పద్మ హస్తా || 14


    • ఇతి ఇవ తద్ గృహం అభిగమ్య శొభనమ్ |
      సవిస్మయొ నగం ఇవ చారు శొభనమ్ |
      పునః చ తత్ పరమ సుగంధి సుందరమ్ |
      హిమ అత్యయే నగం ఇవ చారు కందరమ్ || 15


    • తతః స తాం కపిర్ అభిపత్య పూజితామ్ |
      చరన్ పురీం దశ ముఖ బాహు పాలితామ్ |
      అదృశ్య తాం జనక సుతాం సుపూజితామ్ |
      సుదుహ్ఖితాం పతి గుణ వేగ నిర్జితామ్ || 16


    • తతః తదా బహు విధ భావిత ఆత్మనః |
      కృత ఆత్మనొ జనక సుతాం సువర్త్మనః |
      అపశ్యతొ అభవద్ అతిదుహ్ఖితం మనః |
      సుచక్షుషః ప్రవిచరతొ మహాత్మనః || 17


    • ఇతి వాల్మీకి రామాయణే ఆది కావ్యే సుందర కాణ్డే సప్తమః సర్గః