సుందరకాండ 18


    • తథా విప్రేక్షమాణస్య వనం పుష్పితపాదపమ్ |
      విచిన్వతశ్చ వైదేహీం కించిచ్చేషా నిశాభవత్ || 1


    • షడంగవేదవిదుషాం క్రతుప్రవరయాజినామ్ |
      శుశ్రావ బ్రహ్మఘొషాన్ స విరాత్రే బ్రహ్మరక్షసాం || 2


    • అథ మంగలవాదిత్రశబ్దైః శ్రుతిమనొహరైః |
      ప్రబుధ్యత మహాబాహుర్దశగ్రీవొ మహాబలః || 3


    • విబుధ్య తు యథాకాలం రాక్షసేంద్రః ప్రతాపవాన్ |
      స్రస్తమాల్యాంబరధరొ వైదేహీమన్వచింతయాత్ || 4


    • భృశం నియుక్తస్తస్యాం చ మదనేన మదొత్కటః |
      న స తం రాక్షసః కామం శశాకాత్మని గూహితుమ్ || 5


    • స సర్వాభరణైర్యుక్తొ బిభచ్ఛ్రియమనుత్తమామ్ |
      తాం నగైర్బహుభిర్జుష్టాం సర్వపుష్పఫలొపగైః || 6


    • వృతాం పుష్కరిణీభిశ్చ నానాపుష్పొపశొభితామ్ |
      సదామదైశ్చ విహగైర్విచిత్రాం పరమాద్భుతామ్ || 7


    • ఈహామృగైశ్చ వివిధైర్జుష్టాం డృష్టిమనొహరైః |
      వీథీః సంప్రేక్షమాణశ్చ మణికాంచనతొరణాః || 8
      నానామృగగణాకీర్ణాం ఫలైః ప్రపతితైర్వృతామ్ |
      అశొకవనకామేవ ప్రావిశత్సంతతద్రుమామ్ || 9


    • అంగనాశతమాత్రం తు తం వ్రజంతమనువ్రజత్ |
      మహేంద్రమివ పౌలస్త్యమ్ం దేవగంధర్వయొషితః || 10


    • దీపికాః కాంచనీః కాశ్చిజ్జగృహుస్తత్ర యొషితః |
      వాలవ్యజనహస్తాశ్చ తాలవృంతాని చాపరాః || 11


    • కాంచనైరపి భృంగారైర్జహ్రుః సలిలమగ్రతః |
      మణ్డలాగాన్ బ్రుసీంశ్చాపి గృహ్యాన్యాః పృష్ఠతొ యయుః || 12


    • కాచిద్రత్నమయీం స్థాలీం పూర్ణాం పానస్య బ్రాజతమ్ |
      దక్షిణా దక్షిణేనైవ తదా జగ్రాహ పాణినా || 13


    • రాజహంసప్రతీకాశం చత్రం పూర్ణశశిప్రభమ్ |
      సౌవర్ణదణ్డమపరా గృహీత్వా పృష్ఠతొ యయౌ || 14


    • నిద్రామదపరీతాక్ష్యొ రావనస్యొత్తమాః స్త్రియః |
      అనుజగ్ముః పతిం వీరం ఘనం విద్యుల్లతా ఇవ || 15


    • వ్యావిద్ధహారకేయూరాః సమామృదితవర్ణకాః |
      సమాగళితకేశాంతాః సస్వేదవదనాస్తథా || 16
      ఘొర్ణంత్యొ మదశేషేణ నిద్రయా చ శుభాననాః |
      స్వేదక్లిష్టాంగకుసుమాః సుమాల్యాకులమూర్ధజాః || 17
      ప్రయాంతం నైరృతపతిం నార్యొ మదిరలొచనాః |
      బహుమానాచ్చ కామాచ్చ ప్రియా భార్యాస్తమన్వయుః || 18


    • స చ కామపరాధీనః పతిస్తాసాం మహాబలః |
      సీతాసక్తమనా మందొ మందాంచితగతిర్బభౌ || 19


    • తతః కాంచీనినాదం చ నూపురాణాం చ నిస్వనమ్ |
      శుశ్రావ పరమస్త్రీణాం స కపిర్మారుతాత్మజః || 20


    • తం చాప్రతిమకర్మాణమచింత్యబలపౌరుషమ్ |
      ద్వారదేశమనుప్రాప్తం దదర్శ హనుమాన్ కపిః || 21


    • దీపికాభిరనేకాభిః సమంతాదవభాసితమ్ |
      గంధతైలావసిక్తాభిర్ద్రియమాణాభిరగ్రతః || 22


    • కామదర్పమదైర్యుక్తం జిహ్మతామ్రాయతేక్షణమ్ |
      సమక్షమివ కందర్పమపవిద్ధశరాసనం || 23


    • మథితామృతఫేనాభమరజొవస్త్రముత్తమమ్ |
      సలీలమనుకర్షంతం విముక్తం సక్తమంగదే || 24


    • తం పత్రవిటపే లీనః అత్రపుష్పఘనావృతహ్ |
      సమీపమివ సంక్రాంతం నిధ్యాతుముపచక్రమే || 25


    • అవేక్షమాణస్తు తతొ దదర్శ కపికుంజరః |
      రూపయౌవనసంపన్నా రావణస్య వరస్తియః || 26


    • తాభిః పరివృతొ రాజా సురూపాభిర్మహాయశాః |
      తస్మృగద్విజసంఘష్టం ప్రవిష్టః ప్రమదావనమ్ || 27


    • క్షీబొ విచిత్రాభరణః శంకుకర్ణొ మహాబలః |
      తేన విశ్రవసః పుత్రః స దృష్టొ రాక్షసాధిపః || 28
      వృతః పరమనారీభిస్తారాభిరివ చంద్రామాః |
      తం దదర్శ మహాతేజాస్తేజొవంతం మహాకపిః || 29


    • రావణొ౽యం మహాబాహురితి సంచింత్య వానరః |
      అవప్లుతొ మహాతేజా హనుమాన్మారుతాత్మజః || 30


    • స తథాప్యుగ్రతేజాః సన్నిర్ధూతస్తస్య తేజసా |
      పత్రగుహ్యాంతరే సక్తొ హనుమాన్ సంవృతొ౽భవత్ || 31


    • స తామసితకేశాంతాం సుశ్రొణీం సంహతస్తనీమ్ |
      దిదృక్షురసితాపాంగముపావర్తత రావణః || 32


    • ఇత్యార్షే శ్రీమద్రామాయణే ఆదికావ్యే సుందరకాణ్డే అష్టాదశః సర్గః