సుందరకాండ 59


    • ఎతత్ ఆఖ్యానం తత్ సర్వం హనూమాన్ మారుత ఆత్మజః |
      భూయః సముపచక్రామ వచనం వక్తుం ఉత్తరమ్ || 1


    • సఫలొ రాఘవ ఉద్యొగః సుగ్రీవస్య చ సంభ్రమః |
      శీలం ఆసాద్య సీతాయా మమ చ ప్రవణం మనః || 2


    • తపసా నిర్దహేల్లొకాన్ స్రుద్ధొ వా నిర్దహేదపి |
      సర్వధాతిప్రవృద్ధొ౽సౌ రావణొ రాక్షసాధిపః || 3


    • తస్య తాం స్పృశతొ గాత్రం తపసా న వినాశితమ్ |
      న తదగ్నిశిఖా కుర్యాత్సంస్పృష్టా పాణినా సతీ || 4
      జనకస్య సుతా కుర్యాద్యత్క్రొధకలుషీకృతా |


    • జాంబవత్ప్రముఖాన్ సర్వాననుజ్ఙాప్య మహాహరీన్ || 5
      అస్మిన్నేవం గతే కార్యే భవతాం చ నివేదితే |
      న్యాయ్యం స్మ సహ వైదేహ్యా ద్రష్టుం తౌ పార్థివాత్మజౌ || 6


    • అహమేకొ౽పి పర్యాప్తః సరాక్షసగణాం పురీమ్ |
      తాం లంకాం తరసా హంతుం రావణం చ మహాబలమ్ || 7


    • కిం పునః సహితొ వీరైర్బలవద్భిః కృతాత్మభిః |
      కృతాస్త్రైః ప్లవగైః శూరైర్భవద్భిర్విజయైషిభిః || 8


    • అహం తు రావణం యుద్ధే ససైన్యం సపురఃసరమ్ |
      సహపుత్రం వధిష్యామి సహొదరయుతం యుధి || 9


    • బ్రహ్మమైంద్రం చ రౌద్రం చ వాయవ్యం వారుణం తథా |
      యది శక్రజొతొ౽ స్త్రణి దుర్నిరీక్షాణి సమ్యుగే || 10
      తాన్యహం విధష్యామి హనిష్యామి చ రావణమ్ |


    • భవతామభ్యనుజ్ఙాతొ విక్రమొ మే రుణద్ధి తమ్ || 11
      మయాతులా విసృష్టా హి శైలవృష్టిర్నిరంతరా |
      దేవానపి రణే హన్యాత్కిం పునస్తాన్నిశాచరాన్ || 12


    • సాగరొ౽ప్యతియాద్వేలాం మందరః ప్రచలేదపి |
      న జాంబవంతం సమరే కంపయేదరివాహినీ || 13


    • సర్వరాక్షససంఘానాం రాక్షసా యే చ మహాత్మనః |
      అలమేకొ వినాశాయ వీరొ వాలిసుతః కపిః || 14


    • పనసస్యొరువేగేన నీలస్య చ మహాత్మనః |
      మందరొ౽ప్యవశీర్యేత కింపునర్యుధి రాక్షసాః || 15


    • సదేవాసురయక్షేషు గంధర్వొరగపక్షిషు |
      మైందస్య ప్రతియొద్ధారం శంసత ద్వివిదస్య వా || 16


    • అశ్విపుత్రౌ మహాభాగావేతౌ ప్లవగసత్తమౌ |
      ఎతయొః ప్రతియొద్ధారం న పశ్యామి రణాజిరే || 17


    • పితామహవరొత్సేకాత్పరమం దర్పమాస్థితౌ |
      అమృతప్రాశనావేతౌ సర్వవానరసత్తమౌ || 18


    • అశ్వినొర్మాననార్థం హి సర్వలొకపితామహః |
      సర్వావధ్యత్వమతులమనయొర్దత్తవాన్ పురా || 19


    • వరొత్సేకేన మత్తౌ చ ప్రమథ్య మహతీం చమూమ్ |
      సురాణామమృతం వీరౌ పీతవంతౌ ప్లవంగమౌ || 20


    • ఎతావేన హి సంక్రుద్ధౌ సవాజిరథకుంజరామ్ |
      లంకాం నాశయితుం శక్తౌ సర్వే తిష్ఠంతు వానరాః || 21


    • మయైవ నిహతా లంకా దగ్ధా భస్మీకృతా పునః |
      రాజమార్గేషు సర్వత్ర నామ విశ్రావిత మయా || 22


    • జయత్యతిబలొ రామొ లక్ష్మణశ్చ మహాబలః |
      రాజా జయతి సుగ్రీవొ రాఘవేణాభిపాలితః || 23
      అహం కొసలరాజస్య దాసః పవనసంభవః |
      హనుమానితి సర్వత్ర నామ విశ్రావితం మయా || 24


    • అశొక వనికా మధ్యే రావణస్య దురాత్మనః |
      అధస్తాత్ శింశపా వృక్షే సాధ్వీ కరుణం ఆస్థితా || 25
      రాక్షసీభిః పరివృతా శొక సంతాప కర్శితా |
      మేఘ లేఖా పరివృతా చంద్ర లేఖా ఇవ నిష్ప్రభా || 26
      అచింతయంతీ వైదేహీ రావణం బల దర్పితమ్ |


    • పతి వ్రతా చ సుశ్రొణీ అవష్టబ్ధా చ జానకీ || 27
      అనురక్తా హి వైదేహీ రామం సర్వ ఆత్మనా శుభా |
      అనన్య చిత్తా రామే చ పౌలొమీ ఇవ పురం దరే || 28


    • తత్ ఎక వాసః సంవీతా రజొ ధ్వస్తా తథైవ చ |
      శొక సంతాప దీన అంగీ సీతా భర్తృ హితే రతా || 29


    • సా మయా రాక్షసీ మధ్యే తర్జ్యమానా ముహుః ముహుః |
      రాక్షసీభిః విరూపాభిః దృష్టా హి ప్రమదా వనే || 30
      ఎక వేణీ ధరా దీనా భర్తృ చింతా పరాయణా |
      అధః శయ్యా వివర్ణ అంగీ పద్మినీ ఇవ హిమ ఆగమే |
      రావణాత్ వినివృత్త అర్థా మర్తవ్య కృత నిశ్చయా || 31


    • కథంచిన్ మృగ శావ అక్షీ విశ్వాసం ఉపపాదితా || 32
      తతః సంభాషితా చైవ సర్వం అర్థం చ దర్శితా |
      రామ సుగ్రీవ సఖ్యం చ శ్రుత్వా ప్రీతిం ఉపాగతా || 33


    • నియతః సముదాచారొ భక్తిః భర్తరి చ ఉత్తమా |
      యన్ న హంతి దశగ్రీవం స మహాత్మా కృతాగసమ్ || 34


    • నిమిత్త మాత్రం రామః తు వధే తస్య భవిష్యతి |
      సా ప్రకృత్యైవ తన్వంగీ తద్వియొగాచ్ఛ కర్శితా || 35
      ప్రతిపత్పా**ఠశీలస్య విద్యేవ తనుతాం గతా |


    • ఎవం ఆస్తే మహాభాగా సీతా శొక పరాయణా || 36
      యత్ అత్ర ప్రతికర్తవ్యం తత్ సర్వం ఉపపాద్యతామ్ |


    • ఇత్యార్షే శ్రీమద్రామాయణే ఆదికావ్యే సుందరకాణ్డే ఎకొనషష్టితమః సర్గః