సుందరకాండ 23


    • ఇత్యుక్త్వా మైథిలీం రాజా రావణః శత్రురావణః |
      సందిశ్య చ తతః సర్వా రాక్షసీర్నిర్జగామ హ || 1


    • నిష్క్రంతే రాక్షసేంద్ర తు పునరంతఃపురం గతే |
      రాక్షస్యొ భీమరూపాస్తాః సీతాం సమభిదుద్రువుః || 2


    • తతః సీతాముపాగమ్య రాక్షస్యః క్రొధమూర్చితాః |
      పరం పురుషయా వాచా వైదేహీమిదమబ్రవన్ || 3


    • పౌలస్త్యస్య వరిష్ఠస్య రావణస్య మహాత్మనః |
      దశగ్రీవస్య భార్యాత్వం సీతే న బహుమన్యసే || 4


    • తతస్వేకజటా నామ రాక్షసీ వాక్యమబ్రవీత్ |
      అమంత్య్ర క్రొధతామ్రాక్షీ సీతాం కరతలొదరీమ్ || 5


    • ప్రజాపతీనాం షణ్ణం తు చతుర్థొ యః ప్రజాపతిః |
      మానసొ బ్రహ్మణః పుత్రః పులస్త్య ఇతి విశ్రుతః || 6


    • పులస్త్యస్య తు తేజస్వీ మహార్షిర్మానసః సుతః |
      నామ్నా స విశ్రవా నామ ప్రజాపతిసమప్రభః || 7


    • తస్య పుత్రొ విశాలాక్షి రావణః శత్రురావణః |
      తస్య త్వం రాక్షసేంద్రస్య భార్యా భవితుమర్హసి || 8
      మయొక్తం చారుసర్వాంగి వాక్యం కిం నామమన్యసే |


    • తతొ హరిజటా నామ రాక్షసీ వాక్యమబ్రవీత్ || 9
      వివర్త్య నయనే కొపాన్మార్జారసదృశేక్షణా |


    • యేన దేవాస్త్రాయస్త్రింశద్దేవరాజశ్చ నిర్జతాః || 10
      తస్య త్వం రాక్షసేంద్రస్య భార్యా భవితుమర్హసి |


    • తతస్తు ప్రఘసా నామ రాక్షసీ క్రొధమూర్ఛితా || 11
      భర్త్సయనీ తదా ఘొరమిదం వచనమబ్రవీత్ |


    • వీర్యొత్సిక్తస్య శూరస్య సంగ్రామే న నివర్తినః || 12
      బలినొ వీర్యయుక్తస్య భార్యాత్వం కిం న లప్స్యసే |


    • ప్రియాం బహుమతాం భార్యాం త్యక్త్వా రాజా మహాబలః || 13
      సర్వాసాం చ మహాభాగాం త్వాముపైష్యతి రావణః |


    • సమృద్ధం స్త్రీసహస్రేణ నానారత్నొపశొభితమ్ || 14
      అంతఃపురం సముత్సృజ్య త్వాముపైష్యతి రావణః |


    • అన్యా తు వికటా నామ రాక్షసీ వాక్యమబ్రవీత్ || 15
      అసకృద్దేవతా యుద్ధే నాగగంధర్వదానవాః |
      నిర్జితాః సమరే యేన సతే పార్శ్వముపాగతః || 16


    • తస్య సర్వసమృద్ధస్య రావణస్య మహాత్మనః |
      కిమద్య రాక్షసేంద్రస్య భార్యాత్వం నేచ్ఛ౽ధమే || 17


    • తతస్తు దుర్ముఖీ నామ రాక్షసీ వాక్యమబ్రవీత్ |
      యస్య సూర్యొ న తపతి భీతొ యస్య చ మారుతః || 18
      న వాతి స్మాయతాపాంగే కిం త్వం తస్య న తిష్ఠసి |


    • పుష్టవృష్టం చ తరవొ ముముచుర్యస్య వై భయాత్ || 19
      శైలాశ్చ సుభ్రు పానీయం జలదాశ్చ యదేచ్ఛతి |
      తస్య నైరృతరాజస్య రాజరాజస్య భామిని || 20
      కిం త్వం న కురుషే బుద్ధిం భార్యార్థే రావణస్య హి |


    • సాధు తే తత్త్వతొ దేవి కథితం సాధు భామిని || 21
      గృహాణ సుస్మితే వాక్యమన్యథా న భవిష్యసి |


    • ఇత్యార్షే శ్రీమద్రామాయణే ఆదికావ్యే సుందరకాణ్డే త్రయొవింశః సర్గః