సుందరకాండ 20


    • స తాం పరివృతాం దీనాం నిరానందాం తపస్వినీమ్ |
      సాకారైర్మధురైర్వాక్యైర్న్యదర్శయత రావణః || 1


    • మాం దృష్ట్వా నాగనాసొరు గూహమానా స్తనొదరమ్ |
      అదర్శనమివాత్మానం భయాన్నేతుం త్వమిచ్చసి || 2


    • కామయే త్వాం విశాలాక్షి బహుమన్యస్వ మాం ప్రియే |
      సర్వాంగగుణసంపన్నే సర్వలొకమనొహరే || 3


    • నేహ కేచిన్మనుష్యా వా రాక్షసాః కామరూపిణః |
      వ్యపసర్పతు తే సీతే భయం మత్తః సముత్థితమ్ || 4


    • స్వధర్మొ రక్షసాం భీరు సర్వథైవ న సంశయః |
      గమనం వా పరస్త్రీణాం హరణం సంప్రమథ్య వా || 5


    • ఎవం చైతదకామాం తు న త్వాం స్ప్రక్ష్యామి మైథిలి |
      కామం కామః శరీరే మే యథాకామం ప్రార్తతామ్ || 6


    • దేవి నేహ భయం కార్యం మయి విశ్వసిహి ప్రియే |
      ప్రణయస్వ చ తత్వేన మైవం భూః శికలాలసా || 7


    • ఎకవేణీ ధరాశయ్యా ధ్యానం మలినమంబరమ్ |
      అస్థానే౽ప్యుపవాసశ్చ నైతాన్యౌపయికాని తే || 8


    • విచిత్రాణి చ మాల్యాని చందనాన్యగరూణి చ |
      వివిధాని చ వాసాంసి ద్వ్యాన్యాభరణాని చ || 9
      మహార్హణి చ పానాని శయనాన్యాసనాని చ |
      గీతం నృత్తం చ వాద్యం చ లభ మం ప్రాప్య మైథిలి || 10


    • స్త్రీరత్నమసి మైవం భూః కురు గాత్రేషు భూషణమ్ |
      మాం ప్రాప్య హి కథం ను స్యాస్త్వమనర్హా సువిగ్రహే || 11


    • ఇదం తే చారు సంజాతం యౌవనం వ్యతివర్తతే |
      యదతీతం పునర్నైతి స్రొతః శీఘ్రమపామివ || 12


    • త్వాం కృత్వొపరతొ మన్యే రూపకర్తా స విశ్వసృక్ |
      న హి రూపొపమా త్వన్యా తవాస్తి శుభదర్శనే || 13


    • త్వాం సమా**సాద్య వైదేహి రూపయౌవనశాలినీమ్ |
      కః పుమానతివర్తేత సాక్షాదపి పితామహః || 14


    • యద్యత్పశ్యామి తే గాత్రం శీతాంశుసదృశాననే |
      తస్మింస్తస్మిన్ పృధుశ్రొణి చక్షుర్మమ నిబధ్యతే || 15


    • భవ మైథిలి భాయా మే మొహమేనం విసర్జయ |
      బహ్వీనాముత్తమస్త్రీణామాహృతానామితస్తతః || 16
      సర్వాపామేవ భద్రం తే మమాగ్రమహిషీ భవ |


    • లొకేభొ యాని రత్నాని సంప్రమథ్యాహృతాని వై || 17
      తాని మే భీరు సర్వాణి రాజ్యం చైతదహం చ తే |


    • విజిత్య పృథివీం సర్వాం నానానగరమాలినీమ్ || 18
      జనకాయ ప్రదాస్యామి తవ హేతొర్విలాసిని |


    • నేహ పశ్యామి లొకే౽న్యం యొ మే ప్రతిబలొ భవేత్ || 19
      పశ్య మే సుమహద్వీర్యమప్రతిద్వంద్వమాహవే |


    • అసకృత్సమ్యుగే భగ్నా మయా విమృదితధ్వజాః || 20
      అశక్తాః ప్రత్యనీకేషు స్థాతుం మమ సురాసురాః |


    • ఇచ్ఛ మాం క్రియతామద్య ప్రతికర్మ తవొత్తమమ్ || 21
      సప్రభాణ్యవసజ్యంతాం తవాంగే భూషణాని చ |
      సాధు పశ్యామి తే రూపం సమ్యుక్తం ప్రతికర్మణా || 22


    • ప్రతికర్మాభిసమ్యుక్తా దాక్షిణ్యేన వరాననే |
      భుంక్ష్వ భొగాన్యథాకామం పిబ భీరు రమస్వ చ || 23


    • యథేచ్ఛం చ ప్రయచ్ఛ త్వం పృథివీం వా ధనాని చ |
      లలస్వ మయి విస్రబ్ధా ధృష్టమాజ్ఙాపయస్వ చ || 24


    • మత్ర్పసాదాల్లలంత్యాశ్చ లలంతాం బాంధవాస్తవ |
      బుద్ధిం మమానుపశ్య త్వం శ్రియం భద్రే యశశ్చ మే || 25


    • కిం కరిష్యసి రామేణ సుభగే చీరవాససా |
      నిక్షిప్తవిజయొ రామొ గతశ్రీర్వనగొచరః || 26
      వ్రతీ స్థణ్డిలశాయీ చ శంకే జీవతి వా న వా |


    • న హి వైదేహి రాంస్త్వాం ద్రష్టుం వా ప్యుపలస్స్యతే || 27
      పురొబలాకైరసితైర్మే ఘొర్జ్యొత్స్నామివావృతామ్ |


    • న చాపి మమ హస్తాత్త్వాం ప్రాప్తుమర్హతి రాఘవః || 28
      హిరణ్యకశిపుః కీర్తిమింద్రహస్తగతామివ |


    • చారుస్మితే చారుదతి చారునేత్రే విలాసిని || 29
      మనొ హరసి మే భీరు సుపర్ణః పన్ంగం యథా |


    • క్లిష్టకౌశేయవసనాం తన్వీమప్యనలంకృతామ్ || 30
      త్వాం దృష్ట్వా స్వేషు దారేషు రతిం నొపలభామ్యహమ్ |


    • అంత్ః పురవినాసిన్యః స్త్రియః సర్వగుణాన్వితాః || 31
      యావంత్యొ మమ సర్వాసామైశ్వరం కురు జానకి |


    • మమ హ్యసితకేశాంతే త్రైలొక్యప్రవరాః స్త్రియః || 32
      తాస్త్వాం పరిచరిష్యంతి శ్రియమప్సరసొ యథా |


    • యాని వైశ్రవణే సుభ్రు రత్నాని చ ధనాని చ || 33
      తాని లొకాంశ్చ సుశ్రొణి మాం చ భుంక్ష్వ యథాసుఖమ్ |


    • న రామస్తపసా దేవి న బలేన విక్రమైః || 34
      న ధనేన మయా తుల్యస్తేజసా యశసాపి వా |


    • పిబ విహర రమస్వ భుంక్ష్వ భొగాన్ |
      ధననిచౌ**ం ప్రదిశామి మేదినీం చ |
      మయి లల లలనే యథాసుఖం త్వమ్ |
      త్వయి చ సమేత్య లలంతు బాంధవ్వస్తే || 35


    • కనకవిమలహారభూషితాంగీ |
      విహర మయా సహ భీరు కాననాని || 36


    • ఇత్యార్షే శ్రీమద్రామాయణే ఆదికావ్యే సుందరకాణ్డే వింషః సర్గః