సుందరకాండ 28


    • సా రాక్షసేంద్రస్య వచొ నిశమ్య |
      తద్రావణస్యాప్రియమప్రియార్తా |
      సీతా వితత్రాస యథా వనాంతే |
      సింహాభిపన్నా గజరాజకన్యా || 1


    • సా రాక్షసీమధ్యగతా చ భీరు |
      ర్వాగ్భిర్భృశం రావణతర్జితా చ |
      కాంతారమధ్యే విజనే విసృష్టా |
      బాలేవ కన్యా విలలాప సీతా || 2


    • సత్యం బతేదం ప్రవదంతి లొకే |
      నాకాలమృత్యుర్భవతీతి సంతః |
      యత్రాహమేవం పరిభర్త్స్యమానా |
      జీవామి దీనా క్షణమప్యపుణ్యా || 3


    • సుఖాద్విహీనం బహుదుఃఖపూర్ణ |
      మిదం తు నూనం హృదయం స్థిరం మే |
      విశీర్యతే యన్న సహస్రధాద్య |
      వజ్రాహతం శృంగమివాచలస్య || 4


    • వైవాస్తి దొషొ మమ నూనమత్ర |
      వధ్యాహమస్యాప్రియదర్శనస్య |
      భావం న చాస్యాహమనుప్రదాతు |
      మలం ద్విజొ మంత్రమివాద్విజాయ || 5


    • నూనం మమాంగాన్యచిరాదనార్యః |
      శస్త్రైః శితై శ్ఛేత్స్యతి రాక్షసేంద్రః |
      తస్మిన్ననాగచ్ఛతి లొకనాథే |
      గర్భస్థజంతొరివ శల్యకృంతః || 6


    • దుఃఖం బతేదం మమ దుఃఖితాయా |
      మాసౌ చిరాయాధిగమిష్యతొ ద్వౌ |
      బద్ధస్య వధ్యస్య తథా నిశాంతే |
      రాజాపరాధాదివ తస్కరస్య || 7


    • హా రామ హా లక్ష్మణ హా సుమిత్రే |
      హా రామమాతః సహ మే జనన్యా |
      ఎషా విపద్యామ్యహమల్పభాగ్యా |
      మహార్ణవే నౌరివ మూఢవాతా || 8


    • తరస్వినౌ ధారయతా మృగస్య |
      సత్త్వేన రూపం మనుజేంద్రపుత్రౌ |
      నూనం విశస్తౌ మమ కారణాత్తౌ |
      సింహర్షభౌ ద్వావివ వైద్యుతేన || 9


    • నూనం స కాలొ మృగరూపధారీ |
      మామల్పభాగ్యాం లులుభే తదానీమ్ |
      యత్రార్యపుత్రం విససర్జ మూఢా |
      రామానుజం లక్ష్మణపూర్వజం చ || 10


    • హా రామ సత్యవ్రత దీర్ఘబాహొ |
      హా పూర్ణచంద్రప్రతిమానవక్త్ర |
      హా జీవలొకస్య హితః ప్రియశ్చ |
      వధ్యాం న మాం వేత్సి హి రాక్షసానామ్ || 11


    • అనన్యదైవత్వమియం క్షమా చ |
      భూమౌ చ శయ్యా నియమశ్చ ధర్మే |
      పతివ్రతాత్వం విఫలం మమేదమ్ |
      కృతం కృతఘ్నేష్వివ మానుషాణామ్ || 12


    • మొఘొ హి ధర్మశ్చరితొ మయాయం |
      తథైకపత్నీత్వమిదం నిరర్థమ్ |
      యా త్వాం న పశ్యామి కృశా వివర్ణా |
      హీనా త్వయా సంగమనే నిరాశా || 13


    • పితుర్నిదేశం నియమేన కృత్వా వనాన్నివృత్తశ్చరితవ్రతశ్చ |
      స్త్రీభిస్తు మన్యే విపులేక్షణాభిస్త్వం రంస్యసే వీతభయః కృతార్థః || 14


    • అహం తు రామ త్వయి జాతకామా చిరం వినాశాయ నిబద్ధభావా |
      మొఘం చరిత్వాథ తపొ వ్రతంచ త్యక్ష్యామి ధిగ్జీవితమల్పభాగ్యామ్ || 15


    • సా జీవితం క్షిప్రమహం త్యజేయం |
      విషేణ శస్త్రేణ శితేన వాపి |
      విషస్య దాతా న హి మే౽స్తి కశ్చి |
      చ్ఛస్త్రస్య వా వేశ్మని రాక్షసస్య || 16


    • ఇతీవ దేవీ బహుధా విలప్య |
      సర్వాత్మనా రామమనుస్మరంతీ |
      ప్రవేపమానా పరిశుష్కవక్త్రా |
      నగొత్తమం పుష్పితమాససాద || 17


    • సా శొకతప్తా బహుధా విచింత్య |
      సీతాథ వేణ్యుద్గ్రథనం గృహీత్వా |
      ఉద్భుధ్య వేణ్యుద్గ్రథనేన శ్రీఘ్ర |
      మహం గమిష్యామి యమస్య మూలమ్ || 18


    • ఉపస్థితా సా మృదుసర్వగాత్రీ |
      శాఖాం గృహీత్వాథ నగస్య తస్య |
      తస్యాస్తు రామం ప్రవిచింతయంత్యా |
      రామానుజం స్వం చ కులం శుభాంగ్యాః || 19
      శొకానిమిత్తాని తథా బహూని |
      ధైర్యార్జితాని ప్రవరాణి లొకే |
      ప్రాదుర్నిమిత్తాని తదా బభూవుః |
      పురాపి సిద్ధాన్యుపలక్షితాని || 20


    • ఇత్యార్ష్తే శ్రీమద్రామాయణే ఆదికావ్యే సుందరకాణ్డే అష్టావింశః సర్గః