సుందరకాండ 19


    • తస్మిన్నేవ తతః కాలే రాజపుత్రీ త్వనిందితా |
      రూపయౌవనసంపన్నం భూషణొత్తమభూషితం || 1
      తతొ దృష్ట్వైవ వైదేహీ రావణం రాక్షసాధిపమ్ |
      ప్రావేపత వరారొహా ప్రవాతే కదలీ యథా || 5-9-2


    • ఆచ్ఛాద్యొదరమూరుభ్యాం బాహుభ్యాం చ పయొధరౌ |
      ఉపవిష్టా విశాలాక్షీ రుదంతీ వరవర్ణినీ || 3


    • దశగ్రీవస్తు వైదేహీం రక్షితాం రాక్షసీగణైః |
      దదర్శ దీనాం దుఃఖార్తాం నావం సన్నామివార్ణవే || 4


    • అసంవృతాయామాసీనాం ధరణ్యాం సంశితవ్రతామ్ |
      చినాం ప్రపతితాం భూమౌ శాఖామివ వనస్పతేః || 5


    • మలమణ్డనచిత్రాంగీం మణ్డనార్హామమణ్డితామ్ |
      మృణాలీ పంకదిగ్ధేవ విభాతి న విభాతి చ || 6


    • సమీపం రాజసిమ్హస్య రామస్య విదితాత్మనః |
      సంకల్పహయసమ్యుక్తైర్యాంతీమివ మనొరథైః || 7


    • శుష్యంతీం రుదతీమేకాం ధ్యానశొకపరాయణామ్ |
      దుఃఖస్యాంతమపశ్యంతీం రామాం రామమనువ్రతామ్ || 8


    • చేష్టమానాం తథావిష్టాం పన్నగేంద్రవధూమివ |
      ధూప్యమానాం గ్రహేణేవ రొహిణీం ధూమకేతునా || 9


    • వృత్తశీలకులే జాతామాచారవతి ధార్మికే |
      పునః సంస్కారమాపన్నాం జాతామివ చ దుష్కులే || 10


    • అభూతేనాపవాదేన కీర్తీం నిపతితామివ |
      అమ్నాయానామయొగేన విద్యాం ప్రశిథిలామివ || 11


    • సన్నామివ మహాకీర్తిం శ్రద్ధామివ విమానితామ్ |
      ప్రజ్ఙామివ పరిక్షీణామాశాం ప్రతిహతామివ || 12


    • ఆయతీమివ విధ్వస్తామాజ్ఙాం ప్రతిహతామివ |
      దీప్తామివ దిశం కాలే పూజామపహృతామివ || 13


    • పద్మినీమివ విధ్వస్తాం హతశూరాం చమూమివ |
      ప్రభామివ తమొధ్వస్తాముపక్షీణామివాపగాం || 14


    • వేదీమివ పరామృష్టాం శాంతామగ్నిశిఖామివ |
      పౌర్ణమాసీమివ నిశాం రాహుగ్రస్తేందుమణ్డలాం || 15


    • ఉత్కృష్టపర్ణకమలాం విత్రాసితవిహంగమామ్ |
      హస్తిహస్తపరామృష్టమాకులాం పద్మినీమివ || 16


    • పతిశొకాతురాం శుష్కాం నదీం విస్రావితామివ |
      పరయా మృజయా హీనాం కృష్ణపక్షనిశామివ || 17


    • సుకుమారీం సుజాతాంగీం రత్న గర్భగృహొచితామ్ |
      తప్యమానామివొష్ణేన మృణాలీమచిరొద్ధృతాం || 18


    • గృహీతామాళితాం స్తంభే యూథపేన వినాకృతామ్ |
      నిఃశ్వసంతీం సుదుఃఖార్తాం గజరాజవధూమివ || 19


    • ఎకయా దీర్ఘయా వేణ్యా శొభమానామయత్నతః |
      నీలయా నీరదాపాయే వనరాజ్యా మహీమివ || 20


    • ఉపవాసేన శొకేన ధ్యానేన చ భయేన చ |
      పరిక్షీణాం కృశాం దీనామల్పాహారాం తపొధనామ్ || 21


    • ఆయాచమానాం దుఃఖార్తాం ప్రాంజలిం దేవతామివ |
      భావేన రఘుముఖ్యస్య దశగ్రీవపరాభవం || 22


    • సమీక్షమాణాం రుదతీమనిందితాం |
      సుపక్ష్మతామ్రాయతశుక్లలొచనామ్ |
      అనువ్రతాం రామమతీవ మైథిలీం |
      ప్రలొభయామాస వధాయ రావణః || 23


    • ఇత్యార్షే శ్రీమద్రామాయణే ఆదికావ్యే సుందరకాణ్డే ఎకొనవింశః సర్గః