సుందరకాండ 2


    • స సాగరమనాధృష్యమతిక్రమ్య మహాబలః |
      త్రికూటశిఖరే లంకాం స్థితాం స్వస్థొ దదర్శ హ || 1


    • తతః పాదపముక్తేన పుష్పవర్షేణ వీర్యవాన్ |
      అభివృష్టః స్థితస్తత్ర బభౌ పుష్పమయొ యథా || 2


    • యొజనానాం శతం శ్రీమాంస్తీర్త్వాప్యుత్తమవిక్రమః |
      అనిఃస్వసన్ కపిస్తత్ర న గ్లానిమధిగచ్ఛతి || 3


    • శతాన్యహం యొజనానాం క్రమేయం సుబహున్యపి |
      కిం పునః సాగరస్యాంతం సంఖ్యాతం శతయొజనం || 4


    • స తు వీర్యవతాం శ్రేష్ఠః ప్లవతామపి చొత్తమః |
      జగామ వేగవాన్ లంకాం లంఘయిత్వా మహొదధిమ్ || 5


    • శాద్వలాని చ నీలాని గంధవంతి వనాని చ |
      గణ్డవంతి చ మధ్యేన జగామ నగవంతి చ || 6


    • శైలాంశ్చ తరుసంచన్నాన్ వనరాజీశ్చ పుష్పితాః |
      అభిచక్రామ తేజస్వీ హనుమాన్ ప్లవగర్షభః || 7


    • స తస్మిన్నచలే తిష్ఠన్వనాన్యుపవనాని చ |
      స నగాగ్రే చ తాం లంకాం దదర్శ పవనాత్మజః || 8


    • సరళాన్ కర్ణికారాంశ్చ ఖర్జూరాంశ్చ సుపుష్పితాన్ |
      ప్రియాళాన్ముచుళిందాంశ్చ కుటజాన్ కేతకానపి || 9
      ప్రియంగూన్ గంధపూర్ణాంశ్చ నీపాన్ సప్తచ్ఛదాంస్తథా |
      అసనాన్ కొవిదారాంశ్చ కరవీరాంశ్చ పుష్పితాన్ || 10
      పుష్పభారనిబద్ధాంశ్చ తథా ముకుళితానపి |
      పాదపాన్ విహగాకీర్ణాన్ పవనాధూతమస్తకాన్ || 11
      హంసకారణ్డవాకీర్ణాన్వాపీః పద్మొత్మలాయుతాః |
      ఆక్రీడాన్ వివిధాన్ రమ్యాన్వివిధాంశ్చ జలాశయాన్ || 12
      సంతతాన్ వివిధైర్వ**ృకైః సర్వర్తుఫలపుష్పితైః |
      ఉద్యానాని చ రమ్యాణి దదర్శ కపికుంజరః || 13


    • సమాసాద్య చ లక్ష్మీవన్ లంకాం రావణపాలితామ్ |
      పరిఖాభిః సపద్మాభిః సొత్పలాభిరలంకృతాం || 14
      సీతాపహరణార్థేన రావణేన సురక్షితామ్ |
      సమంతాద్విచరద్భిశ్చ రాక్షసైరుగ్రధన్విభిః || 15
      కాంచనేనావృతాం రమ్యాం ప్రాకారేణ మహాపురీమ్ |
      గృహైశ్చ గ్రహసంకాశైః శారదాంబుదసన్నిభైః || 16
      పాణ్డురాభిః ప్రతొళీభిరుచ్చాభిరభిసంవృతామ్ |
      అట్టాలకశతాకీర్ణాం పతాకాధ్వజమాలినీం || 17
      తొరణైః కాంచనైర్దివ్యైర్లతాపంకివిచిత్రితైః |
      దదర్శ హనుమాన్ లంకాం దివి దేవపురీం యథా || 18


    • గిరిమూర్ధ్ని స్థితాం లంకాం పాణ్డురైర్భవనైః శుభైః |
      దదర్శ స కపిశ్రేష్ఠః పురమాకాశగం యథా || 19


    • పాలితాం రాక్షసేంద్రేణ నిర్మితాం విశ్వకర్మణా |
      ప్లవమానామివాకాశే దదర్శ హనుమాన్ పురీమ్ || 20


    • పప్రప్రాకారజఘనాం విపులాంబునవాంబరామ్ |
      శతఘ్నీశూలకేశాంతామట్టాలకవతంసకాం || 21
      మన్సేవ కృతాం లంకాం నిర్మితాం విశ్వకర్మణా |
      ద్వారముత్తరమాసాద్య చింతయామాస వానరః || 22


    • కైలాసశిఖరప్రఖ్యామాలిఖ్స్ంతీమివాంబరమ్ |
      డీయమానామివాకాశముచ్ఛ్రితైర్భవనొత్తమైః || 23
      సంపూర్ణాం రాక్షసైర్ఘొరైర్నాగైర్భొగవతీమివ |
      అచింత్యాం సుకృతాం స్పష్టాం కుబేరాధ్యుషితాం పురా || 24
      దంష్ట్రిభిర్బహుభిః శూరైః శూలపట్టిసపాణిభిః |
      రక్షితాం రాక్షసైర్ఘొరైర్గుహామాశీవిషైరివ || 25
      తస్యాశ్చ మహతీం గుప్తిం సాగరం చ నిరీక్ష్య సః |
      రావణం చ రిపుం ఘొరం చింతయామాస వానరః || 26


    • ఆగత్యాపీహ హరయొ భవిష్యంతి నిరరథకాః |
      న హి యుద్ధేన వ లంకా శక్యా జేతుం సురైరపి || 27


    • ఇమాం తు విషమాం దుర్గాం లంకాం రావణపాలితామ్ |
      ప్రాప్యాపి స మహాబాహుః కిం కరిష్యతి రాఘవః || 28


    • అవకాశొ న సాంత్వస్య రక్షసేష్వభిగమ్యతే |
      న దానస్య న భేదస్య నైవ యుద్ధస్య దృశ్యతే || 29


    • చతుర్ణామేవ హి గతిర్వానరాణాం మహాత్మనామ్ |
      వాలిపుత్రస్య నీలస్య మమ రాజ్ఙశ్చ ధీమతః || 30


    • యావజ్జానామి వైదేహీం యది జీవతి వా న వా |
      తత్రైవ చింతయిష్యామి దృష్ట్వా తాం జనకాత్మజామ్ || 31


    • తతః స చింతయామాస ముహూర్తం కపికుంజరః |
      గిరిశృంగే స్థితస్తస్మిన్ రామస్యాభ్యుదయే రతః || 32


    • అనేన రూపేణ మయా న శక్యా రక్షసాం పురీ |
      ప్రవేష్టుం రాక్షసైర్గుప్తా క్రూరైర్బలసమన్వితైః || 33


    • ఉగ్రౌజసొ మహావీర్యా బలవంతశ్చ రాక్షసాః |
      వంచనీయా మయా సర్వే జానకీం పరిమార్గతా || 34


    • లక్ష్యాలక్ష్యేణ రూపేణ రాత్రౌ లంకా పురీ మయా |
      ప్రవేష్టుం ప్రాప్తకాలం మే కృత్యం సాధయితుం మహత్ || 35


    • తాం పురీం తాదృశీం దృష్ట్వా దురాధర్శాం సురాసురైః |
      హనుమాన్ చింతయామాస వినిశ్చిత్య ముహుర్ముహుః || 36


    • కేనొపాయేన పశేయం మైథిలీం జనకాత్మజామ్ |
      అదృష్టొ రాక్షసేంద్రేణ రావణేన దురాత్మనా || 37


    • న వినశ్యేత్కథం కార్యం రామస్య విదితాత్మనః |
      ఎకామేకశ్చ పశ్యేయం రహితే జనకాత్మజాం || 38


    • భూతాశ్చార్థా విపద్యంతే దేశకాలవిరొధితాః |
      విక్లబం దూతమాసాద్య తమః సూర్యొదయే యథా || 39


    • అర్థానర్థాంతరే బుద్ధిర్నిశ్చితాపి న శొభతే |
      ఘాతయంతి హి కార్యాణి దూతాః పణ్డితమానినః || 40


    • న వినశ్యేత్కథం కార్యం వైక్లబ్యం న కథం భవేత్ |
      లంఘనం చ సముద్రస్య కథం ను న వృథా భవేత్ || 41


    • మయి దృష్టే తు రక్షొభీ రామస్య విదితాత్మనః |
      భవేద్వ్యర్థమిదం కార్యం రావణానర్థమిచ్ఛతః || 42


    • న హి శక్యం క్వచిత్ స్థాతుమవిజ్ఙాతేన రాక్షసైః |
      అపి రాక్షసరూపేణ కిముతాన్యేన కేనచిత్ || 43


    • వాయురప్యత్ర నాజ్ఙాతశ్చరేదితి మతిర్మమ |
      న హ్యస్త్యవిదితం కించిద్రాక్షసానాం బలీయసామ్ || 44


    • ఇహాహం యది తిష్ఠామి స్వేన రూపేణ సంవృతః |
      వినాశముపయాస్యామి భర్తురర్థశ్చ హీయతే || 45


    • తదహం స్వేన రూపేణ రజన్యాం హ్రస్వతాం గతః |
      లంకామభిపతిష్యామి రాఘవస్యార్థసిద్ధయే || 46


    • రావణస్య పురీం రాత్రౌ ప్రవిశ్య సుదురాసదామ్ |
      విచిన్వన్ భవనం స్ర్వం ద్రక్ష్యామి జనకాత్మజామ్ || 47


    • ఇతి సంచింత్య హనుమాన్ సూర్యస్యాస్తమయం కపిః |
      ఆచకాంక్షే తతొ వీరొ వైదేహ్యా ద్రశనొతుసకః || 48


    • సూర్యే చాస్తం గతే రాత్రౌ దేహం సంక్షిప్య మారుతిః |
      వృషదంశకమాత్రః సన్ బభూవాద్భుతదర్శనః || 49


    • ప్రదొషకాలే హనుమాంస్తూర్ణముత్ప్లుత్య వీర్యవాన్ |
      ప్రవివేశ పురీం రమ్యాం సువిభక్తమహాపథాం || 50


    • ప్రాసాదమాలావితతాం స్తంభైః కాంచనరాజతైః |
      శాతకుంభమయైర్జాలైర్గంధర్వనగరొపమాం || 51
      సప్తభౌమాష్టభౌమైశ్చ స దదర్శ మహాపురీమ్ |
      తలైః స్ఫతికసంకీర్ణైః కార్తస్వరవిభూషితైః || 52


    • వైడూర్యమణిచిత్రైశ్చ ముక్తాజాలవిభూషితైః |
      తలైః శుశుభిరే తాని భవనాన్యత్ర రక్షసామ్ || 53


    • కాంచనాని చ చిత్రాణి తొరణాని చ రక్షసామ్ |
      లంకాముద్ద్యొతయామాసుః సర్వతః సమలంకృతామ్ || 54


    • అచింత్యామద్భుతాకారాం దృష్ట్వా లంకాం మహాకపిః |
      ఆసీద్విష్ణ్డొ హృష్టశ్చ వైదేహ్యా దర్శనొత్సుకః || 55


    • స పాణ్డురావిద్ధవిమానమాలినీం |
      మహార్హజాంబూనదజాలతొరణామ్ |
      యశస్వినీం రావణబాహుపాలితాం |
      క్షపాచరైర్భిమబలైః సమావృతామ్ || 56


    • చంద్రొ౽పి సాచివ్యమివాస్య కుర్వం |
      స్తారాగణైర్మధ్యగతొ విరాజన్ |
      జ్యొత్స్నావితానేన వితత్య లొక |
      ముత్తిష్ఠతే నైకసహస్రరశ్మిః || 57


    • శంఖప్రభం క్షీరమృణాలవర్ణ |
      ముద్గచ్ఛమానం వ్యవభాసమానమ్ |
      దదర్శ చంద్రం స హరిప్రవీరః |
      ప్లొప్లూయమానం సరసీవ హంసమ్ || 58


    • ఇత్యార్షే శ్రీమద్రామాయణే ఆదికావ్యే సుందరకాణ్డే ద్వితీయః సర్గః