సుందరకాండ 43


    • తతః స కింకరాన్ హత్వా హనూమాన్ ధ్యానం ఆస్థితః |
      వనం భగ్నం మయా చైత్య ప్రాసాదొ న వినాశితః || 1
      తస్మాత్ ప్రాసాదం అపి ఎవం ఇమం విధ్వంసయామి అహమ్ |
      ఇతి సంచింత్య హనుమాన్ మనసా దర్శయన్ బలమ్ || 2
      చైత్య ప్రాసాదం ఆప్లుత్య మేరు శృంగం ఇవ ఉన్నతమ్ |
      ఆరురొహ హరి శ్రేష్ఠొ హనూమాన్ మారుత ఆత్మజః || 3


    • ఆరుహ్య గిరిసంకాశం ప్రాసాదం హరియూథపః |
      బభౌ స సుమహాతేజాః ప్రతిసూర్య ఇవొదితః || 4


    • సంప్రధృష్య చ దుర్ధర్షః చైత్య ప్రాసాదం ఉన్నతమ్ |
      హనూమాన్ ప్రజ్వలంల్ లక్ష్మ్యా పారియాత్రా ఉపమొ అభవత్ || 5


    • స భూత్వా తు మహాకాయొ హనూమాన్ మారుత ఆత్మజః |
      ధృష్టం ఆస్ఫొటయామాస లంకాం శబ్దేన పూరయన్ || 6


    • తస్య ఆస్ఫొటిత శబ్దేన మహతా శ్రొత్ర ఘాతినా |
      పేతుర్విహంగమాస్తత్ర చైత్యపాలాశ్చ మొహితాః || 7


    • అస్త్రవిజ్జయతాం రామొ లక్ష్మణః చ మహాబలః |
      రాజా జయతి సుగ్రీవొ రాఘవేన అభిపాలితః || 8
      దాసొ అహం కొసల ఇంద్రస్య రామస్య అక్లిష్ట కర్మణః |
      హనుమాన్ శత్రు సైన్యానాం నిహంతా మారుత ఆత్మజః || 9
      న రావణ సహస్రం మే యుద్ధే ప్రతిబలం భవేత్ |
      శిలాభిః తు ప్రహరతః పాదపైః చ సహస్రశః || 10
      అర్దయిత్వా పురీం లంకాం అభివాద్య చ మైథిలీమ్ |
      సమృద్ధ అర్థొ గమిష్యామి మిషతాం సర్వ రక్షసామ్ || 11


    • ఎవం ఉక్త్వా విమానస్థః చైత్యస్థాన్ హరి పుంగవః |
      ననాద భీమ నిర్హ్రాదొ రక్షసాం జనయన్ భయమ్ || 12


    • తేన శబ్దేన మహతా చైత్య పాలాః శతం యయుః |
      గృహీత్వా వివిధాన్ అస్త్రాన్ ప్రాసాన్ ఖడ్గాన్ పరశ్వధాన్ || 13
      విసృజంతొ మహాక్సయా మారుతిం పర్యవారయన్ |


    • తే గదాభిర్విచిత్రాభిః పరిఘైః కాంచనాంగదైః || 14
      అజఘ్నర్వానరశ్రేష్ఠం శరైశ్చాదిత్యసన్నిభైః |
      ఆవర్త ఇవ గంగాయాః తొయస్య విపులొ మహాన్ || 15
      పరిక్షిప్య హరి శ్రేష్ఠం స బభౌ రక్షసాం గణః |


    • తతొ వాత ఆత్మజః క్రుద్ధొ భీమ రూపం సమాస్థితః || 16
      ప్రాసాదస్య మహాన్ తస్య స్తంభం హేమ పరిష్కృతమ్ |
      ఉత్పాటయిత్వా వేగేన హనూమాన్ మారుత ఆత్మజః || 17
      తతః తం భ్రామయామాస శత ధారం మహాబలః |


    • తత్ర చాగ్నిః సమభవత్ప్రాసాదశ్చాప్యదహ్యత || 18
      దహ్యమానం తతొ దృష్ట్వా ప్రాసాదం హరియూథపః |
      స రాక్షస శతం హత్వా వజ్రేణ ఇంద్ర ఇవ అసురాన్ || 19
      అంతరిక్ష స్థితః శ్రీమాన్ ఇదం వచనం అబ్రవీత్ |


    • మాదృశానాం సహస్రాణి విసృష్టాని మహాత్మనామ్ || 20
      బలినాం వానర ఇంద్రాణాం సుగ్రీవ వశ వర్తినామ్ |
      అటంతి వసుధాం కృత్స్నాం వయమయే చ వానరాః || 21


    • దశనాగబలాః కేచిత్కేచిద్దశగుణొత్తరాః |
      కేచిన్నాగసహస్రస్య బభూవుస్తుల్యవిక్రమాః || 22


    • సంతి చౌఘబలాః కేచిత్కేచిద్వాయుబలొపమాః |
      అప్రమేయబలాశ్చాన్యే తత్రాసన్ హరియూథపాః || 23


    • ఈదృగ్విధైస్తు హరిభిర్వ**ృతొ దంతనఖాయుధైః |
      శతైః శత సహస్రైః చ కొటీభిః అయుతైః అపి || 24
      ఆగమిష్యతి సుగ్రీవః సర్వేషాం వొ నిషూదనః |


    • న ఇయం అస్తి పురీ లంకా న యూయం న చ రావణః || 25
      యస్మాత్ ఇక్ష్వాకు నాథేన బద్ధం వైరం మహాత్మనా |


    • ఇత్యార్షే శ్రీమద్రామాయణే ఆదికావ్యే సుందరకాణ్డే త్రిచత్వారింశః సర్గః