సుందరకాండ 31


    • ఎవం బహు విధాం చింతాం చింతయిత్వ మహాకపిః |
      సంశ్రవే మధురం వాక్యం వైదేహ్యా వ్యాజహార హ || 1


    • రాజా దశరథొ నామ రథ కుంజర వాజినామ్ |
      పుణ్య శీలొ మహాకీర్తిః ఋజుః ఆసీన్ మహాయశాః || 2


    • రాజర్షీణాం గుణశ్రేష్ఠస్తపసా చర్షిభిః సమః |
      చక్ర వర్తి కులే జాతః పురం దర సమొ బలే || 3


    • అహింసా రతిః అక్షుద్రొ ఘృణీ సత్య పరాక్రమః |
      ముఖ్యః చ ఇక్ష్వాకు వంశస్య లక్ష్మీవాంల్ లక్ష్మి వర్ధనః || 4


    • పార్థివ వ్య~ంజనైః యుక్తః పృథు శ్రీః పార్థివ ఋషభః |
      పృథివ్యాం చతుః అంతయాం విశ్రుతః సుఖదః సుఖీ || 5


    • తస్య పుత్రః ప్రియొ జ్యేష్ఠః తారా అధిప నిభ ఆననః |
      రామొ నామ విశేషజ్~నః శ్రేష్ఠః సర్వ ధనుష్మతామ్ || 6


    • రక్షితా స్వస్య వృత్తస్య స్వ జనస్య అపి రక్షితా |
      రక్షితా జీవ లొకస్య ధర్మస్య చ పరం తపః || 7


    • తస్య సత్య అభిసంధస్య వృద్ధస్య వచనాత్ పితుః |
      సభార్యః సహ చ భ్రాత్రా వీరః ప్రవ్రజితొ వనమ్ || 8


    • తేన తత్ర మహా**రణ్యే మృగయాం పరిధావతా |
      రాక్షసా నిహతాః శూరా బహవః కామరూపిణః || 9


    • జన స్థాన వధం శ్రుత్వా హతౌ చ ఖర దూషణౌ |
      తతః తు అమర్ష అపహృతా జానకీ రావణేన తు || 10
      వంచయిత్వా వనే రామం మృగరూపేణ మాయయా |


    • స మార్గమాణస్తాం దేవీం రామః సీతామన్ందితామ్ || 11
      ఆససాద వనే మిత్రం సుగ్రీవం నామ వానరమ్ |


    • తతః స వాలినం హ్త్వా రామః పరపురంజయః || 12
      ప్రాయచ్ఛత్కపిరాజ్యం తత్సుగ్రీవాయ మహాబలః |


    • సుగ్రీవేణాపి సందిష్టా హరయః కామరూపిణః || 13
      దిక్షు సర్వాసు తాం దేవీం విచిన్న్వంతి సహస్రశః |


    • అహం సంపాతివచనాచ్ఛతయొజనమాయతమ్ || 14
      అస్యా హేతొర్విశాలాక్ష్యాః సాగరం వేగవాన్ ప్లుతః |


    • యథా రూపాం యథా వర్ణాం యథా లక్ష్మీం వినిశ్చితామ్ || 15
      అశ్రౌషం రాఘవస్య అహం సా ఇయం ఆసాదితా మయా |


    • విరరామ ఎవం ఉక్త్వా అసౌ వాచం వానర పుంగవః || 16
      జానకీ చ అపి తత్ శ్రుత్వా విస్మయం పరమం గతా |


    • తతః సా వక్ర కేశ అంతా సుకేశీ కేశ సంవృతమ్ || 17
      ఉన్నమ్య వదనం భీరుః శింశపా వృక్షం ఐక్షత |


    • నిశమ్య సీతా వచనం కపేశ్చ |
      దిశశ్చ సర్వాః ప్రదిశశ్చ వీక్ష్య |
      స్వయం ప్రహర్షం పరమం జగామ |
      సర్వాత్మనా రామమనుస్మరంతీ || 18


    • సా తిర్యగ్ ఊర్ధ్వం చ తథా అపి అధస్తాన్ |
      నిరీక్షమాణా తం అచింత్య బుద్ధిమ్ |
      దదర్శ పింగ అధిపతేః అమాత్యమ్ |
      వాత ఆత్మజం సూర్యం ఇవ ఉదయస్థమ్ || 19


    • ఇత్యార్షే శ్రీమద్రామాయణే ఆదికావ్యే సుందరకాణ్డే ఎకత్రింశః సర్గః