సుందరకాండ 6


    • స నికామం విమానేషు విషణ్ణః కామ రూపధృత్ |
      విచచార పునర్లంకాం లాఘవేన సమన్వితః || 1


    • ఆససాద అథ లక్ష్మీవాన్ రాక్షస ఇంద్ర నివేశనమ్ |
      ప్రాకారేణ అర్క వర్ణేన భాస్వరేణ అభిసంవృతమ్ || 2


    • రక్షితం రాక్షసైర్ భీమైః సిమ్హైర్ ఇవ మహద్ వనమ్ |
      సమీక్షమాణొ భవనం చకాశే కపి కుంజరః || 3


    • రూప్య కొప హితైః చిత్రైః తొరణైర్ హేమ భూషితైః |
      విచిత్రాభిః చ కక్ష్యాభిర్ ద్వారైః చ రుచిరైర్ వృతమ్ || 4


    • గజ ఆస్థితైర్ మహా మాత్రైః శూరైః చ విగత శ్రమైః |
      ఉపస్థితం అసమ్హార్యైర్ హయైః స్యందన యాయిభిః || 5


    • సిమ్హ వ్యాఘ్ర తను త్రాణైర్ దాంత కాంచన రాజతైః |
      ఘొషవద్భిర్ విచిత్రైః చ సదా విచరితం రథైః || 6


    • బహు రత్న సమాకీర్ణం పర అర్ధ్య ఆసన భాజనమ్ |
      మహా రథ సమావాసం మహా రథ మహా ఆసనమ్ || 7


    • దృశ్యైః చ పరమ ఉదారైః తైః తైః చ మృగ పక్షిభిః |
      వివిధైర్ బహు సాహస్రైః పరిపూర్ణం సమంతతః || 8


    • వినీతైర్ అంత పాలైః చ రక్షొభిః చ సురక్షితమ్ |
      ముఖ్యాభిః చ వర స్త్రీభిః పరిపూర్ణం సమంతతః || 9


    • ముదిత ప్రమదా రత్నం రాక్షస ఇంద్ర నివేశనమ్ |
      వర ఆభరణ నిర్హ్రాదైః సముద్ర స్వన నిహ్స్వనమ్ || 10


    • తద్ రాజ గుణ సంపన్నం ముఖ్యైః చ వర చందనైః |
      భేరీ మృదంగ అభిరుతం శంఖ ఘొష వినాదితమ్ || 11


    • భేరీమృదంగాభిరుతం శంఖఘొషనినాదితమ్ |
      నిత్య అర్చితం పర్వ హుతం పూజితం రాక్షసైః సదా || 12


    • సముద్రం ఇవ గంభీరం సముద్రం ఇవ నిహ్స్వనమ్ |
      మహాత్మానొ మహద్ వేశ్మ మహా రత్న పరిచ్చదమ్ || 13
      మహా జన సమాకీర్ణం దదర్శ స మహా కపిః |


    • విరాజమానం వపుషా గజ అశ్వ రథ సంకులమ్ || 14
      లంకా ఆభరణం ఇతి ఎవ సొ అమన్యత మహా కపిః |
      చచార హనుమాంస్తత్ర రావణస్య సమీపతః || 15


    • గృహాద్ గృహం రాక్షసానాం ఉద్యానాని చ వానరః |
      వీక్షమాణొ హి అసంత్రస్తః ప్రాసాదామ్ః చ చచార సః || 16


    • అవప్లుత్య మహా వేగః ప్రహస్తస్య నివేశనమ్ |
      తతొ అన్యత్ పుప్లువే వేశ్మ మహా పార్శ్వస్య వీర్యవాన్ || 17


    • అథ మేఘ ప్రతీకాశం కుంభ కర్ణ నివేశనమ్ |
      విభీషణస్య చ తథా పుప్లువే స మహా కపిః || 18


    • మహా ఉదరస్య చ తథా విరూప అక్షస్య చైవ హి |
      విద్యుజ్ జిహ్వస్య భవనం విద్యున్ మాలేః తథైవ చ || 19
      వజ్ర దంష్ట్రస్య చ తథా పుప్లువే స మహా కపిః |


    • శుకస్య చ మహా వేగః సారణస్య చ ధీమతః |
      తథా చ ఇంద్రజితొ వేశ్మ జగామ హరి యూథపః || 20


    • జంబు మాలేః సుమాలేః చ జగామ హరి యూథపః || 21
      రశ్మి కేతొః చ భవనం సూర్య శత్రొః తథైవ చ |
      వజ్రకాయస్య చ తథా పుప్లువే స మహాకపిః || 22


    • ధూమ్ర అక్షస్య చ సంపాతేర్ భవనం మారుత ఆత్మజః |
      విద్యుద్ రూపస్య భీమస్య ఘనస్య విఘనస్య చ || 23
      శుక నాభస్య వక్రస్య శఠస్య వికటస్య చ |
      హ్రస్వ కర్ణస్య దంష్ట్రస్య రొమశస్య చ రక్షసః || 24
      యుద్ధ ఉన్మత్తస్య మత్తస్య ధ్వజ గ్రీవస్య నాదినః |
      విద్యుజ్ జిహ్వ ఇంద్ర జిహ్వానాం తథా హస్తి ముఖస్య చ || 25
      కరాలస్య పిశాచస్య శొణిత అక్షస్య చైవ హి |


    • క్రమమాణః క్రమేణ ఎవ హనూమాన్ మారుత ఆత్మజః || 26
      తేషు తేషు మహా అర్హేషు భవనేషు మహా యశాః |
      తేషాం ఋ^ద్ధిమతాం ఋద్ధిం దదర్శ స మహా కపిః || 27


    • సర్వేషాం సమతిక్రమ్య భవనాని సమంతతః |
      ఆససాద అథ లక్ష్మీవాన్ రాక్షస ఇంద్ర నివేశనమ్ || 28


    • రావణస్య ఉపశాయిన్యొ దదర్శ హరి సత్తమః |
      విచరన్ హరి శార్దూలొ రాక్షసీర్ వికృత ఈక్షణాః || 29
      శూల ముద్గల హస్తాః చ శక్తొ తొమర ధారిణీః |


    • దదర్శ వివిధాన్ గుల్మామ్ః తస్య రక్షః పతేర్ గృహే |
      రాక్షసాంశ్చ మహాకాయాన్నానాప్రహరణొద్యతాన్ || 30


    • రక్తాన్ శ్వేతాన్ సితామ్ః చైవ హరీమ్ః చైవ మహా జవాన్ ||31
      కులీనాన్ రూప సంపన్నాన్ గజాన్ పర గజ ఆరుజాన్ |
      నిష్ఠితాన్ గజ శిఖాయాం ఐరావత సమాన్ యుధి || 32
      నిహంతృ**ృన్ పర సైన్యానాం గృహే తస్మిన్ దదర్శ సః |
      క్షరతః చ యథా మేఘాన్ స్రవతః చ యథా గిరీన్ || 33
      మేఘ స్తనిత నిర్ఘొషాన్ దుర్ధర్షాన్ సమరే పరైః |


    • సహస్రం వాహినీః తత్ర జాంబూనద పరిష్కృతాః || 34
      హేమ జాలైర్ అవిచ్చిన్నాః తరుణ ఆదిత్య సమ్నిభాః |
      దదర్శ రాక్షస ఇంద్రస్య రావణస్య నివేశనే || 35


    • శిబికా వివిధ ఆకారాః స కపిర్ మారుత ఆత్మజః |
      లతా గృహాణి చిత్రాణి చిత్ర శాలా గృహాణి చ || 36
      క్రీడా గృహాణి చ అన్యాని దారు పర్వతకాన్ అపి |
      కామస్య గృహకం రమ్యం దివా గృహకం ఎవ చ || 37
      దదర్శ రాక్షస ఇంద్రస్య రావణస్య నివేశనే |


    • స మందర తల ప్రఖ్యం మయూర స్థాన సంకులమ్ || 38
      ధ్వజ యష్టిభిర్ ఆకీర్ణం దదర్శ భవన ఉత్తమమ్ |
      అనంత రత్న నిచయం నిధి జాలం సమంతతః || 39
      ధీర నిష్ఠిత కర్మ అంతం గృహం భూత పతేర్ ఇవ |


    • అర్చిర్భిః చ అపి రత్నానాం తేజసా రావణస్య చ || 40
      విరరాజ అథ తద్ వేశ్మ రశ్మిమాన్ ఇవ రశ్మిభిః |


    • జాంబూ నదమయాని ఎవ శయనాని ఆసనాని చ || 41
      భాజనాని చ శుభ్రాణి దదర్శ హరి యూథపః |


    • మధ్వ్ ఆసవ కృత క్లేదం మణి భాజన సంకులమ్ || 42
      మనొ రమం అసంబాధం కుబేర భవనం యథా |
      నూపురాణాం చ ఘొషేణ కాంచీనాం నినదేన చ || 43
      మృదంగ తల ఘొషైః చ ఘొషవద్భిర్ వినాదితమ్ |
      ప్రాసాద సంఘాత యుతం స్త్రీ రత్న శత సంకులమ్ || 42
      సువ్యూఢ కక్ష్యం హనుమాన్ ప్రవివేశ మహా గృహమ్ |


    • ఇతి వాల్మీకి రామాయణే ఆది కావ్యే సుందర కాణ్డే షష్ఠః సర్గః