సుందరకాండ 21


    • తస్య తద్వచనం శ్రుత్వా సీతా రౌద్రస్య రక్షసః |
      ఆర్తా దీనస్వరా దీనం ప్రత్యువాచ తతః శనైః || 1


    • దుఃఖార్తా రుదతీ సీతా వేపమానా తపస్వినీ |
      చింతయంతీ వరారొహ పతిమేవ పతివ్రతా || 2
      తృణమంతరతః కృత్వా ప్రత్యువాచ శుచిస్మితా |


    • నివర్తయ మనొ మత్తః స్వజనే క్రియతాం మనః || 3
      న మాం ప్రార్థయితుం యుక్తం సుసిద్ధిమివ పాపకృత్ |


    • అకార్యం న మయా కార్యమేకపత్న్యా విగర్హితమ్ || 4
      కులం సంప్రాప్తయా పుణ్యం కులే మహతి జాతయా |


    • ఎవముక్త్వా తు వైదేహీ రావణం తం యశస్వినీ || 5
      రావణం పృష్ఠతః కృత్వా భూయొ వచనంబ్రవీత్ |


    • వాహమౌపయికీ భార్యా పరభార్యా సతీ తవ || 6
      సాధు ధర్మమవేక్షస్వ సాధు సాధువ్రతం చర |


    • యథా తవ తథాన్యేషాం దారా రక్ష్యా విశాచర || 7
      ఆత్మానముపమాం కృత్వా స్వేషు దారేషు రమ్యతామ్ |


    • అతుష్టం స్వేషు దారేషు చపలం చలితేంద్రియమ్ || 8
      నయంతి నికృతిప్రజ్ఙం పరదారాః పరాభవమ్ |


    • ఇహ సంతొ న వా సంతి సతొ వా నానువర్తసే || 9
      తథాహి విపరీతా తే బుద్ధిరాచారవర్జితా |


    • వచొ మిథ్యాప్రణీతాత్మా పథ్యముక్తం విచక్షణైః || 10
      రాక్షసానామభావాయ త్వం వా న వ్రతిపద్యసే |


    • ఆకృతాత్మానమాసాద్య రాజానమనయే రతమ్ || 11
      సమృద్ధాని వినశ్యంతి రాష్ట్రాణి నగరాణి చ |
      తథేయం త్వాం సమాసాద్య లంకా రత్నౌఘసంకులా || 12
      అపరాధాత్తవైకస్య వచిరాద్వినశిష్యతి |


    • స్వకృతైర్హన్యమానస్య ఆవణాదీర్ఘదర్శినః || 13
      అభినందంతి భూతాని వినాశే పాపకర్మణః |


    • ఎవం త్వాం పాపకర్మాణం వక్ష్యంతి నికృతా జనాః || 14
      దిష్ట్యైతద్ వ్యసనం ప్రాప్తొ రౌద్ర ఇత్యేవ హర్షితాః |


    • శక్యా లొభయితుం నాహమైశ్వర్యేణ ధనేన వా || 15
      అనన్యా రాఘవేణాహం భాస్కరేణ ప్రభా యథా |


    • ఉపధాయ భుజం తస్య లొకనాథస్య సత్కృతమ్ || 16
      కథం నామొపధాస్యామి భుజమన్యస్య కస్య చిత్ |


    • అహమౌపయీకీ భార్యా తస్యైవ వసుధాపతేః || 17
      వ్రతస్నాతస్య విప్రస్య విద్యేవ విదితాత్మనః |


    • సాధు రావణ రామేణ మాం సమానయ దుఃఖితామ్ || 18
      వనే వాశితయా సార్థం కరేణ్వేవ గజాధిపమ్ |


    • మిత్రమౌపయికం కర్తుం రామః స్థానం పరీప్సతా || 19
      వధం చానిచ్ఛతా ఘొరం త్వయాసౌ పురుషర్షభః |


    • విదితః స హి ధర్మజ్ఙః శరణాగతవత్సలః || 20
      తేన మైత్రీ భవతు తే యది జీవితుమిచ్చసి |


    • ప్రసాదయస్వ త్వం చనం శరణాగతవత్సలమ్ || 21
      మాం చాస్మై నియతొ భూత్వా నిర్యాతయితుమర్హసి |


    • ఎవం హి తే భవేత్స్వస్తి సంప్రదాయ రఘూత్తమే || 22
      అన్యథా త్వం హి కుర్వణొ వధం ప్రాప్స్యసి రావణ |


    • వర్జయేద్వజ్రముత్సృష్టం వర్జయేదంతకశ్చిరమ్ || 23
      త్వద్విధం తు న స క్రుద్ధొ లొకనాథః స రాఘవః |


    • రామస్య ధనుషః శబ్దం శ్రొష్యసి త్వం మహాస్వనమ్ || 24
      శతక్రతువిసృష్టస్య నిర్ఘొషమశనేరివ |


    • ఇహ శీగ్రం సుపర్వాణొ జ్వలితాస్య ఇవొరగాః || 25
      ఇషవొ నిపతిష్యంతి రామలక్ష్మణలక్షణాః |


    • రక్షాంసి పరినిఘ్నస్తః పుర్యామస్యాం సమంతతః || 26
      అసంపాతం కరిష్యంతి పతంతః కంకవాససః |


    • రాక్షసేంద్రమహాసర్పాన్ స రామగరుడొ మహాన్ || 27
      ఉద్ధరిష్యతి వేగేన వైనతేయ ఇవొరగాన్ |


    • అపనేష్యతి మాం భర్తా త్వత్తః శీఘ్రమరిందమః || 28
      అసురేభ్యః శ్రియం దీప్తాం విష్ణుస్త్రిభిరివ క్రమైః |


    • జనస్థానే హతస్థానే నిహతే రక్షసాం బలే || 29
      అశక్తేన త్వయా రక్షః కృతమేతదసాధు వై |


    • అశ్రమం తు తయొః శూన్యం ప్రవిశ్య నరసిమ్హయొః || 30
      గొచరం గతయొర్ర్భాత్రొరపనీతా త్వయాధమ |


    • న హి గంధముపాఘ్రాయ రామలక్ష్మణయొస్త్వయా || 31
      శక్యం సందర్శనే స్థాతుం శునా శార్దూలయొరివ |


    • తస్య తే విగ్రహే తాభ్యాం యుగగ్రహణమస్థిరమ్ || 32
      వృత్రస్యేవేంద్రబాహుభ్యాం బాహొరేకస్య విగ్రహే |


    • క్షిప్రం తవ స నాథొ మే రామః సౌమిత్రిణా సహ || 33
      తొయమల్పమివాదిత్యః ప్రానానాదాస్యతే శరైః |


    • గిరిం కుబేరస్య గతొ౽థవాలయమ్ |
      సభాం గతొ వా వరుణస్య రాజ్ఙః |
      అసంశయం దాశరథేర్న మొక్ష్యసే |
      మహాద్రుమః కాలహతొ౽శనేరివ || 34


    • ఇత్యార్షే శ్రీమద్రామాయణే ఆదికావ్యే సుందరకాణ్డే ఎకవింశః సర్గః