సుందరకాండ 34


    • తస్యాః తత్ వచనం శ్రుత్వా హనూమాన్ హరి యూథపః |
      దుహ్ఖాత్ దుహ్ఖ అభిభూతాయాః సాంతం ఉత్తరం అబ్రవీత్ || 1


    • అహం రామస్య సందేశాత్ దేవి దూతః తవ ఆగతః |
      వైదేహి కుశలీ రామః త్వాం చ కౌశలం అబ్రవీత్ || 2


    • యొ బ్రాహ్మం అస్త్రం వేదాన్ చ వేద వేదవిదాం వరః |
      స త్వాం దాశరథీ రామొ దేవి కౌశలం అబ్రవీత్ || 3


    • లక్ష్మణః చ మహాతేజా భర్తుః తే అనుచరః ప్రియః |
      కృతవాన్ శొక సంతప్తః శిరసా తే అభివాదనమ్ || 4


    • సా తయొః కుశలం దేవీ నిశమ్య నర సిమ్హయొః |
      ప్రీతి సమ్హృష్ట సర్వ అంగీ హనూమాంతం అథ అబ్రవీత్ || 5


    • కల్యాణీ బత గథా ఇయం లౌకికీ ప్రతిభాతి మే |
      ఎహి జీవంతం ఆనదొ నరం వర్ష శతాత్ అపి || 6


    • తయొః సమాగమే తస్మిన్ ప్రీతిః ఉత్పాదితా అద్భుతా |
      పరస్పరేణ చ ఆలాపం విశ్వస్తౌ తౌ ప్రచక్రతుః || 7


    • తస్యాః తత్ వచనం శ్రుత్వా హనూమాన్ హరి యూథపః |
      సీతాయాః శొక దీనాయాః సమీపం ఉపచక్రమే || 8


    • యథా యథా సమీపం స హనూమాన్ ఉపసర్పతి |
      తథా తథా రావణం సా తం సీతా పరిశంకతే || 9


    • అహొ ధిగ్ ధిగ్ కృతం ఇదం కథితం హి యత్ అస్య మే |
      రూప అంతరం ఉపాగమ్య స ఎవ అయం హి రావణః || 10


    • తాం అశొకస్య శాఖాం సా విముక్త్వా శొక కర్శితా |
      తస్యాం ఎవ అనవద్య అంగీ ధరణ్యాం సముపావిశత్ || 11


    • హనుమానపి దుఃఖార్తాం తాం దృష్ట్వా భయమొహితామ్ |
      అవందత మహాబాహుః తతః తాం జనక ఆత్మజామ్ || 12
      సా చ ఎనం భయ విత్రస్తా భూయొ న ఎవ అభ్యుదైక్షత |


    • తం దృష్ట్వా వందమానం తు సీతా శశి నిభ ఆననా || 13
      అబ్రవీత్ దీర్ఘం ఉచ్ఛ్వస్య వానరం మధుర స్వరా |


    • మాయాం ప్రవిష్టొ మాయావీ యది త్వం రావణః స్వయమ్ || 14
      ఉత్పాదయసి మే భూయః సంతాపం తన్ న శొభనమ్ |


    • స్వం పరిత్యజ్య రూపం యః పరివ్రాజక రూపధృత్ || 15
      జన స్థానే మయా దృష్టః త్వం స ఎవ అసి రావణః |


    • ఉపవాస కృశాం దీనాం కామ రూప నిశా చర || 16
      సంతాపయసి మాం భూయః సంతాపం తన్ న శొభనమ్ |


    • అథవా నైతదేవం హి యన్మయా పరిశంకితమ్ || 17
      మనసొ హి మమ ప్రీతిరుత్పన్నా తవ దర్శనాత్ |


    • యది రామస్య దూతః త్వం ఆగతొ భద్రం అస్తు తే || 18
      పృచ్ఛామి త్వాం హరి శ్రేష్ఠ ప్రియా రామ కథా హి మే |


    • గుణాన్ రామస్య కథయ ప్రియస్య మమ వానర || 19
      చిత్తం హరసి మే సౌమ్య నదీ కూలం యథా రయః |


    • అహొ స్వప్నస్య సుఖతా యా అహం ఎవం చిర ఆహృతా || 20
      ప్రేషితం నామ పశ్యామి రాఘవేణ వన ఒకసమ్ |


    • స్వప్నే౽పి యద్యహం వీరం రాఘవం సహలక్ష్మణమ్ || 21
      పశ్యేయం నావసీదేయం స్వప్నొ౽పి మమ మత్సరీ |


    • న అహం స్వప్నం ఇమం మన్యే స్వప్నే దృష్ట్వా హి వానరమ్ || 22
      న శక్యొ అభ్యుదయః ప్రాప్తుం ప్రాప్తః చ అభ్యుదయొ మమ |


    • కిం ను స్యాచ్ చిత్త మొహొ అయం భవేత్ వాత గతిః తు ఇయమ్ || 23
      ఉన్మాదజొ వికారొ వా స్యాత్ ఇయం మృగ తృష్ణికా |


    • అథవా న అయం ఉన్మాదొ మొహొ అపి ఉన్మాద లక్ష్మణః || 24
      సంబుధ్యే చ అహం ఆత్మానం ఇమం చ అపి వన ఒకసమ్ |


    • ఇతి ఎవం బహుధా సీతా సంప్రధార్య బల అబలమ్ || 25
      రక్షసాం కామ రూపత్వాన్ మేనే తం రాక్షస అధిపమ్ |


    • ఎతాం బుద్ధిం తదా కృత్వా సీతా సా తను మధ్యమా || 26
      న ప్రతివ్యాజహార అథ వానరం జనక ఆత్మజా |


    • సీతాయాః చింతితం బుద్ధ్వా హనూమాన్ మారుత ఆత్మజః || 27
      శ్రొత్ర అనుకూలైః వచనైః తదా తాం సంప్రహర్షయత్ |


    • ఆదిత్య ఇవ తేజస్వీ లొక కాంతః శశీ యథా || 28
      రాజా సర్వస్య లొకస్య దేవొ వైశ్రవణొ యథా |
      విక్రమేణ ఉపపన్నః చ యథా విష్ణుః మహాయశాః || 29


    • సత్య వాదీ మధుర వాగ్ దేవొ వాచస్పతిః యథా |
      రూపవాన్ సుభగః శ్రీమాన్ కందర్ప ఇవ మూర్తిమాన్ || 30


    • స్థాన క్రొధ ప్రహర్తా చ శ్రేష్ఠొ లొకే మహారథః |
      బాహుచ్ చాయాం అవష్టబ్ధొ యస్య లొకొ మహాత్మనః || 31


    • అపకృశ్ష్య ఆశ్రమ పదాన్ మృగ రూపేణ రాఘవమ్ |
      శూన్యే యేన అపనీతా అసి తస్య ద్రక్ష్యసి యత్ ఫలమ్ || 32


    • నచిరాత్ రావణం సంఖ్యే యొ వధిష్యతి వీర్యవాన్ |
      రొష ప్రముక్తైః ఇషుభిః జ్వలద్భిః ఇవ పావకైః || 33
      తేన అహం ప్రేషితొ దూతః త్వత్ సకాశం ఇహ ఆగతః |
      త్వత్ వియొగేన దుహ్ఖ ఆర్తః స త్వాం కౌశలం అబ్రవీత్ || 34


    • లక్ష్మణః చ మహాతేజాః సుమిత్ర ఆనంద వర్ధనః |
      అభివాద్య మహాబాహుః సొ అపి కౌశలం అబ్రవీత్ || 35


    • రామస్య చ సఖా దేవి సుగ్రీవొ నామ వానరః |
      రాజా వానర ముఖ్యానాం స త్వాం కౌశలం అబ్రవీత్ || 36


    • నిత్యం స్మరతి రామః త్వాం ససుగ్రీవః సలక్ష్మణః |
      దిష్ట్యా జీవసి వైదేహి రాక్షసీ వశం ఆగతా || 37


    • నచిరాత్ ద్రక్ష్యసే రామం లక్ష్మణం చ మహారథమ్ |
      మధ్యే వానర కొటీనాం సుగ్రీవం చ అమిత ఒజసమ్ || 38


    • అహం సుగ్రీవ సచివొ హనూమాన్ నామ వానరః |
      ప్రవిష్టొ నగరీం లంకాం లంఘయిత్వా మహా**ుదధిమ్ || 39


    • కృత్వా మూర్ధ్ని పద న్యాసం రావణస్య దురాత్మనః |
      త్వాం ద్రష్టుం ఉపయాతొ అహం సమాశ్రిత్య పరాక్రమమ్ || 40


    • న అహం అస్మి తథా దేవి యథా మాం అవగచ్ఛసి |
      విశంకా త్యజ్యతాం ఎషా శ్రద్ధత్స్వ వదతొ మమ || 41


    • ఇత్యార్షే శ్రీమద్రామాయణే ఆదికావ్యే సుందరకాణ్డే చతుస్త్రింశః సర్గః