సుందరకాండ 29


    • తథా గతాం తాం వ్యథితాం అనిందితామ్ |
      వ్యపేత హర్షాం పరిదీన మానసామ్ |
      శుభాం నిమిత్తాని శుభాని భేజిరే |
      నరం శ్రియా జుష్టం ఇవ ఉపజీవినః || 1


    • తస్యాః శుభం వామం అరాల పక్ష్మ |
      రాజీ వృతం కృష్ణ విశాల శుక్లమ్ |
      ప్రాస్పందత ఎకం నయనం సుకేశ్యా |
      మీన ఆహతం పద్మం ఇవ అభితామ్రమ్ || 2


    • భుజః చ చార్వ్ అంచిత పీన వృత్తః |
      పర అర్ధ్య కాల అగురు చందన అర్హః |
      అనుత్తమేన అధ్యుషితః ప్రియేణ |
      చిరేణ వామః సమవేపత ఆశు || 3


    • గజ ఇంద్ర హస్త ప్రతిమః చ పీనః |
      తయొః ద్వయొః సమ్హతయొః సుజాతః |
      ప్రస్పందమానః పునః ఊరుః అస్యా |
      రామం పురస్తాత్ స్థితం ఆచచక్షే || 4


    • శుభం పునః హేమ సమాన వర్ణమ్ |
      ఈషత్ రజొ ధ్వస్తం ఇవ అమల అక్ష్యాః |
      వాసః స్థితాయాః శిఖర అగ్ర దంత్యాః |
      కించిత్ పరిస్రంసత చారు గాత్ర్యాః || 5


    • ఎతైః నిమిత్తైః అపరైః చ సుభ్రూః |
      సంబొధితా ప్రాగ్ అపి సాధు సిద్ధైః |
      వాత ఆతప క్లాంతం ఇవ ప్రనష్టమ్ |
      వర్షేణ బీజం ప్రతిసంజహర్ష || 6


    • తస్యాః పునః బింబ ఫల ఉపమ ఒష్ఠమ్ |
      స్వక్షి భ్రు కేశ అంతం అరాల పక్ష్మ |
      వక్త్రం బభాసే సిత శుక్ల దంష్ట్రమ్ |
      రాహొః ముఖాచ్ చంద్ర ఇవ ప్రముక్తః || 7


    • సా వీత శొకా వ్యపనీత తంద్రీ |
      శాంత జ్వరా హర్ష విబుద్ధ సత్త్వా |
      అశొభత ఆర్యా వదనేన శుక్లే |
      శీత అన్శునా రాత్రిః ఇవ ఉదితేన || 8


    • ఇత్యార్షే శ్రీమద్రామాయణే ఆదికావ్యే సుందరకాణ్డే ఎకొనత్రింశః సర్గః